myGov 可以讓你喺單一嘅地方，連結到政府唔同嘅網上服務。
將你嘅 myGov 帳戶連接到澳州稅務局，您可以喺網上管理你嘅稅務同公積金事務。
如果你仲未有 myGov 帳戶，你可以好容易咁創建一個。

你只需探訪 my.gov.au 並選擇 Create a myGov 帳戶。
輸入一個只有你先至會用嘅電郵件地址。您唔能夠利用呢個電郵地址嚟到進入其他嘅myGov 帳戶，例如你嘅伴侶嘅myGov 帳戶。
閱讀並接受條款及細則，然後選擇 Next。
myGov 會寄一個確認碼比你。請輸入呢個確認碼。
跟住，佢會要求你創建一個密碼。
你要選擇三個秘密問題並加以回答。

呢 D 問題只有你先至知道答案。

選擇一 D 較易記得嘅問題，而呢 D 答案嘅答案，最好唔會隨住時間而作出更改。

咁你而家就有一個 myGov 帳戶嘞。
你嘅 myGov 嘅用戶名，將會通過電郵寄比你。

將佢收埋喺一個安全地方，以備將來之用。

喺呢個階段，如果你想喺你嘅帳戶加多一個安全代碼，請選擇 Next。不過，你亦都可以選擇 Skip 唔加安全代碼嘅。
最後，你需要設置你嘅 myGov 收件箱嘅通知偏好。
你一旦有咗 myGov 帳戶，就可以同澳州稅務局嘅網上服務連接。

當你啱啱創建 myGov 帳戶嘅時候，你其實經已登入咗呢個帳戶，可以隨時創立同澳州稅務局嘅連接。
而家，請你去到  Services 頁面。
喺呢個會員服務嘅列表裡面，搵出  Australian Taxation Office，然後選擇螢幕上同一行右面嘅綠色連接圖標。
你而家需要提供額外的資料，嚟到確認你嘅 ATO 紀錄。

如果你經已有一個澳州稅務局網上帳戶嘅話，咁你只需用你嘅澳州稅號，同埋你嘅澳州稅務局網上帳戶密碼，將 myGov 同你嘅稅局紀錄連接。
如果你冇澳州稅務局網上帳戶，咁你就需要回答一 D 關於你嘅問題，嚟確認你嘅身份。

呢 D 問題包括你嘅稅務檔案號碼、你個名，姓氏同埋出生日期。

記得要小心同準確咁輸入呢 D 資料，務必令到佢哋同澳州稅務局所持有你嘅資料相符。

如果你嘅資料，喺你對上一次同澳州稅務局接觸之後發生咗改變，咁你就需要更新資料，然後先至完成連接。

請訪問 ato.gov.au，並搜索  ‘updating your details’ （更新你嘅個人資料）。

閱讀及同意D條款及細則，然後選擇 Next 。

你仲需要回答兩個關於你嘅問題，佢哋 圍繞住下面嘅文件：
•	您喺過去五年内接到嘅評稅通知書

•	您喺過去兩年内接到嘅 PAYG 年度報稅通知單

•	過去五年内嘅公積金戶口結單

•	過去兩年嘅股息派發單據

•	過去兩年嘅 Centrelink 福利金發放總結，

•	或者，你嘅銀行賬戶詳情
如果你選用你嘅銀行帳戶嚟到確認你嘅身份嘅話，咁嗰個銀行帳戶，必須係以下兩個帳戶其中之一： 1. 舊年你以佢作為個人所得稅退稅嘅帳戶，2. 喺過去兩年為你賺取利息嘅帳戶。


請你務必準備好呢 D 資料。如果今次係你第一次遞交報稅表，你就需要致電電話中心，去取得一個獨一無二嘅連接代碼，嚟到協助你完成呢個步驟。
如果你喺任何一個步驟碰到錯誤訊息，請記低嗰個錯誤代碼，並利用該錯誤信息所提供嘅鏈接，去了解詳情。
當你答晒呢 D 問題，你就大功告成喇。
您經已將你嘅 myGov 帳戶同 ATO 嘅紀錄成功連結。
就係咁簡單。你而家可以喺網上，透過 myGov 嚟到管理你嘅稅務同埋公積金事務喇。